Mera Yaar Rutha Hai

Badi shiddat se sajaya khwaab aaj jaakar tuta hai...

Tham ke chala tha jo haath main is anjaan safar par

Saath us haath se is mod par aakar chhuta hai...

Zaar Zaar roya hai dil katra katra bann kar...

Jiske sahare chhodi thi  majhdhaar main naiyaa apni

E-Yaar mere Woh rabb bhi aaj mujhse ruthha hai

Bheegi hai palke, gam-e-yaar me meri

Kaha jo usne mujhe, ki tera pyaar to jutha hai

Naman Hai...

Woh Maa hai... Woh Behan hai... Woh Beti bhi hai...
Patni Wohi hi hai...Woh Hi Saathi Bhi hai...

Woh hai to ye Jahan Hai...Woh hai to aasmaan hai
Woh Khusi hai...Woh hi Hansi hai...Usi se ye saara Jahan hai...
Woh sab kuch sahegi...par kuchh na kahegi...
Woh Mamta bhari hai...Chhup ke Aahe bharegi...

Jara samjho use tum...Ha Jaano use tum...
Hai Kisi kaam ki woh ... Ye na Maano use tum

Aadi Shakti woh hi hai...Kali durga woh hi hai...
Woh hi hai Sati, Savitri bhi woh hi hai...

Saha har dard usne hum sab ki khatir
Magar fir bhi na uski aankho me Namm hai

Naman hai... Naman hai... Naman hai... Naman hai...
Unhi se hai bagiya... aur khilta chaman hai...
Naman hai... Naman hai... Naman hai... Naman hai 

Khafa Kya Hue Kal Raat Woh

Khafa kya hue vo humse kal raat is kadar
Ki Hum Jeena, Marna tak bhul gaye...

Na kaha ik alfaaz tak unhone humari khatir
Hum bhi haale dil bin kahe hi reh gaye...
Rahi khamoshi, kaha nigahon ne bahut kuch
Dil ke jazbaat vo aansuo me keh gaye

Khafa kya hue vo humse kal raat is kadar
Mujhse mujhi ko chura kar le gaye