Na jane kis talaash me hoon badh chala main kis taraf...

Na mod ka pata mujhe , Na manzeelo ki hai khabar...

Veeraani faili har taraf, kate gire sukhe darakh...

Hai Raahe jaane kaun si , Na jaane kaunsa safar...

Bas badh chala hu ek taraf , teri yaad me Ae humsafar...

Na jane kis talaash me hoon badh chala main kis taraf...

Na mod ka pata mujhe , Na manzeelo ki hai khabar...

Hazaaron muskile mili , Pade hai kaante har taraf...

Is zindgi ki raah me , Hai maut ka sa ye safar...

Tha sang na chala koi , Na raaho me mila mujhe...

Jise me apna kah saku , Jo ban sake mera humsafar...

Na jane kis talaash me hoon badh chala main kis taraf...

Na mod ka pata mujhe , Na manzeelo ki hai khabar...

Na jaane kab tha din hua , Na jaane aayi shaam kab...

Is raah par tha sirf main , Na or koi rahgujar...

Na bandishe thi pyaar ki , Na tha mahobbato ka shor...

Ye kis taraf hoon badh chala , Or kaunsi hai ye dagar...

Na jane kis talaash me hoon badh chala main kis taraf...

Na mod ka pata mujhe , Na manzeelo ki hai khabar...

Tere mere Darmiyaan...

Bhul Chuka tha main sabhi , kya hoti hai ye khusiyaan...

Kab hansti hai ye zindgi , kyu khilti hai ye kaliyaan...

Tum mile to kuch yu laga , jaise jeevan me fir se bahar chhane ko hai...

Mausam fir badalne ko hai , vo khumaar fir se chhane ko hai...

Palko pe kai aarmaan sanjo liye the , har pal naye sapne saja liye the...

Bas intzaar tha to tere aane ka , aakar mujh me mil jaane ka...

Tera ahsaas mann me liye tha main , Apni Chahat dil me liye tha main...

Fir daga de gayi zindgi , fir laut gayi meri khusiyaan...

Aaya hawa ka jhonka jo , le gaya uda mera aashiyaan ...

Badh gaye fir faansle , reh gayi bas duriyaan...

Ha tere mere darmiyaan...ha tere mere darmiyaan...

Na poourn ki ummid thi , main khush tha mere ardh me...

Kyu tod mera aasiyaan , pahuchaya mujhko gart me...

Ye teri hi to soch thi , ki mujh me tu rahe sadaa...

To Kyu kari vo chot , or badal di saari daastaan...

Ki , Badh gaye fir faansle , reh gayi bas duriyaan...

Ha tere mere darmiyaan...ha tere mere darmiyaan...

Ek Tamnna...

Ek tamanna thi bas meri , kaash kabhi aisa bhi hota...

Zindgi meri bhi hansti , aankho me aanshu na hota...

Hota koi saath mere bhi , koi mera apna bhi hota...

Karta baate main bhi us sang , us sang hansta , us sang rota...

Mann me hota , dil me hota , kaash mera bhi sapna hota...

Ek tamanna thi bas meri , kaash kabhi aisa bhi hota...

dil

Teri Umeed...

Khamosh ,Tanha , Main Khada Hoon , Bas Teri Umeed Hai ,

Kismeton Se Lad Pada Hoon ,Jeet Jaane Ke Liye...

Har Taraf Andhakkar Hai , Main Khud Chita Pe Hu Pada...

Aaja Ban Ke Roshni , Mujhko Jeelane Ke Liye...

Na Pehle Koi Saath Tha , Na Sang Koi Hai Abhi...

Ek Baar Yaar Aaja Tu , Rista Nibhane Ke Liye...

Sahil Pe Kabse Hoon Khada , Sirf Tere Hi Waaste...

Tu Aaja Ban ke Ek Lehar , Mujhko Dubane Ke Liye...

Manjhdhaar Me Kisti Meri...Hai BHanwar Mere Samne...

Banja Meri Patvaar Isko Paar Paane Ke Liye....

Ek Soch...

Ha Kaali Raat me faila hua andheraa hoon main...

Na hi roshni hoon...Na hi saveraa hoon main...

Durr kahin ek umeed ki kiran nazar aayi hai...

Us-Se mil jaane ki umeed me is do-rahe pe aakar tehra hoon main...

Kaas tu thaam leti haath mera ek pal ke liye hi, ye keh kar,

Ki Tere dil me utar chuka kahin gehra hoon main...

Ha kali raat me faila hua andheraa hoon main...

Na hi roshni hoon...na hi saveraa hoon main...

Do lafz sun-na chahta tha pyaar ke lekin ...

Is nafrato ke shor se beha hua hoon main...

Life...Of One Alone...

Fir Se Yaado Me Doob Gaya Hoon Main...

Fir Se Haqiqat Se Bhagta hua Aa Pahucha Hoon Apni Khawaboo Ki Duniya Mein...

jahaan bas khusiyaan hi khussiya hai....har taraf bas hansi hai...

ek muskarata hua chehra hai..jo mere saath hai...mere paas hai...

jo mera apna hai...jo meri khusi hai...mera sapna hai...

par khawaab khawab hi rehte hai..vo kabhi haqiqat nahi bante...

ye mujhe har pal har ghadi zindgi ne samjhaya hai...

ek pal ki hansi dene ke badle mujhe sadiyoon khoon ke aanshu rulaya hai...

main khena bahut kuch chahta hoon...par keh kuch nahi paata...

bas ek ajeeb si khamoshi me kho jata hoon...

sochta hu shayad ye hi likha hai meri kismet mein...

ek ajeeb se kashmkash me bandha rehta hai hoon har pal...

har pal bheed me ghira rehta hu akela tanha...

sochta hu akhir ye kya hai..kaun hai.....kaha hai...

shayad ye vo hai jo kahi mere under bhi chhupa baitha hai.....