Kuch likhu uski khatir dil ye tamanna har pal karta hai...
Jo tere roop ka bakhaan kar sake Vo shabd kaha se lau...
Kuch kahu teri khatir ye hasarat har pal dil karta hai...
Tere pyaar ka varnan kar sake vo lafz kaha se lau...
Dil to har pal karta mera ki geet tere hi gaaun...
Par jo tujhme thirak sake vo taal kaha se lau...
Kuch likhu teri khatir dil ye tamanna har pal karta hai...
Jo tujhe samjha sake mera pyaar vo shabd kaha se lau...
Ji to karta hai keh daalu apne dil ka haal tujhko ek din...
Jo utar sake tere dil mein bhi Vo alfaaj kaha se lau...
Kosis to ki thi maine bhi tujhko bahut bhulane ki...
Par bhula saku ek pal bhi aisi yaad kaha se lau...
Socha tha samjhogi tum bhi mujhko ek din...
Tujhko mujhse jod sake vo jazbaat kaha se lau...
Subscribe to:
Post Comments (Atom)
Posts
No comments:
Post a Comment