Meri Yaade...

kya bayan kare un fursat k dino ki kahani 
jaha har lamha apne me hi tha rumani...


chand yaado ki aagosh me lipte rehte the...
uneendi aankhiyo me kuch khwab saje rehte the.
..
subha alsayi si masti se phone ki tankar jagati thi...
kaano me unke shabdo ki meethi jhankar bajati thi...


har vo lamha unke aane ka paigam lata tha...
jab haath pakad tu mujhe agle kamre me sulata tha...
khud bhaag ke jaakar maggie ke packets laata tha...
na utha dekh mujhe...khich ke ik laat lagata tha...


ik mis call se unke aane ki warning si mil jaati thi...
agle hi pal vo thar tharati si ghar me chali aati thi...


tum dosto sang gujara har lamha ik nirala tha...
jahan andhere me bhi faila pyar ka ujiyaara tha...


jahan har taraf jalti visvas ki ik baati thi...
jahan har saans li gayi har kasam nibhati thi...


unhi yaado ko samete abhi talak jee raha hu...
yaado ko ashk bana khud hi pee raha hoon...


fil se lautunga tum sang ye visvas liye baitha hoon...
main tumse milne ki dhundhli ik aas liye baitha hoon...