Tere mere Darmiyaan...

Bhul Chuka tha main sabhi , kya hoti hai ye khusiyaan...

Kab hansti hai ye zindgi , kyu khilti hai ye kaliyaan...

Tum mile to kuch yu laga , jaise jeevan me fir se bahar chhane ko hai...

Mausam fir badalne ko hai , vo khumaar fir se chhane ko hai...

Palko pe kai aarmaan sanjo liye the , har pal naye sapne saja liye the...

Bas intzaar tha to tere aane ka , aakar mujh me mil jaane ka...

Tera ahsaas mann me liye tha main , Apni Chahat dil me liye tha main...

Fir daga de gayi zindgi , fir laut gayi meri khusiyaan...

Aaya hawa ka jhonka jo , le gaya uda mera aashiyaan ...

Badh gaye fir faansle , reh gayi bas duriyaan...

Ha tere mere darmiyaan...ha tere mere darmiyaan...

Na poourn ki ummid thi , main khush tha mere ardh me...

Kyu tod mera aasiyaan , pahuchaya mujhko gart me...

Ye teri hi to soch thi , ki mujh me tu rahe sadaa...

To Kyu kari vo chot , or badal di saari daastaan...

Ki , Badh gaye fir faansle , reh gayi bas duriyaan...

Ha tere mere darmiyaan...ha tere mere darmiyaan...